Читаем
Ғибратты әңгімелер: "ЖЕТІ АТА"
3 октября, 17:11- Біз бір емес, бес ағайындымыз! – деді Бір Елі. – Мен ең кішімісін. Менің үлкен ағаларымды: Екі Елі, Үш Елі, Төрт Елі, Бес Елі деп атайды. Ал сендер неше ағайындысыңдар?
- Біздер тіптен көппіз! – деді Мысқал сәл қысылып. – Өйткені ол, шынында да, өздерінің неше ағайын екенін біле бермейтін.
- Ең болмаса, жеті атаңды білесің бе өзі?! Кім кімнен тарайды?!
- Білем!
- Білсең, айта ғой!
- Мысалы мен, Мысқал – Қадақтан, Қадақ – Пұттан, Пұт – Батпаннан, Батпан - ... – деді де Мысқал одан әрі бара алмай, оқыс мүдіріп қалды.
- Сөйтіп, Батпан кімнен тарайды?!
- Батпан Зілден!
- Ал Зіл кімнен туған?!
- Оны ұмытып қаалыппын!
- Ұмытқан жоқсың. Білмейсің! – деді Бір Елі Мысқалды одан бетер ұялтып.
- Ия, сен білетін шығарсың!
- Білем! Неге білмеймін?! Мысалы, менің әкем – Сынық Сүйем. Сынық Сүйемнің әкесі – Сүйем. Сүйемнің әкесі – Кез. Кездің әкесі – Аршын. Аршынның әкесі – Көш жер... – Осы тұста Бір Елі де мүдіріп қалды.
- Білмейсің! Білмейсің! Сен де білмейсің! – деп Мысқал қуанып кетті.
- Білем! Сасқаннан ұмытып қалдым!
Осыдан кейін алтыншы-жетінші аталарын естеріне түсіре алмаған екі дос әкелерінен сұрап алмақшы болып, үйлеріне жүгіріп кетті.
(Қадыр Мырза Әли, «Ғибратнәмә» кітабынан)
другие статьи
-
Дене тәрбиесі жайлы нақыл сөздер
16 октября, 19:38 -
Казахстанский телеканал Tamasha TV прекратил вещание
27 июля, 7:30 -
Казахский язык для стран СНГ (учебник)
29 июня, 16:59 -
Төле би ақылы
11 июля, 11:12 -
Сөздік:«solution» немесе «decision»
5 ноября, 6:10 -
Сыпырғыш. Шаңсорғыш. Электр қуатын есептегіш
3 октября, 17:07