Новости и объявления
Павлодарда жаңа оқу жылында барлық мектепте қазақ сыныптары ашылады
28 мая, 14:42Биылғы оқу жылында Павлодар қаласындағы барлық мектепте қазақ сыныбы ашылады. Бұл өз кезегінде аралас мектептің санын көбейтеді деп хабарлайды Dalanews.kz pavlodarnews.kz-ке сілтеп.
Павлодар қаласы білім беру бөлімі басшысының орынбасары Қуаныш Қыдыралинның айтуынша, бүгінгі күні қалада қазақ сыныптары жоқ 4 мектеп бар.
– Бұл – № 23, 16, 34 және 13 жалпы орта білім беру мектептері, – дейді Қуаныш Қыдыралин. – Жаңа оқу жылынан бастап осы мектептерде қазақ сыныптары ашылады. Бұл мақсатқа қосымша бастауыш сынып мұғалімдері жұмысқа қабылданады. Осы орайда, ата-аналар балаларын қазақ тілінде оқытуға ниет білдірсе екен деген сұранысымыз бар.
Себебі, көптеген ата-аналар өзіміздің тіліміз шорқақтау, баланы оқытуға қиын болады деген түрлі сылтаулармен балаларын орыс сыныптарына береді. Ашығын айтқанда, ата-аналар тарапынан жоғары деңгейде сұраныс бар деп айта алмаймыз.
Бөлім басшысының орынбасары қазақ сыныптары ашылатын мектептерде үгіт-насихат жұмыстары жүргізіліп жатқанын атап өтті.
Облыс орталығында барлығы 43 жалпы орта білім беру мектебі бар. Оның ішінде біреуі – жеке меншік, 31-і – аралас, сегізі – қазақ және төртеуі – орыс тілінде білім береді.
Еске сала кетейік, биыл Павлодарда балаларды 1-сыныпқа тек онлайн қабылдайды. Қала мектептеріне болашақ бірінші сынып оқушыларын қабылдау 1 маусымнан 30 тамызға дейін жүргізіледі.
другие статьи
-
Каждая нация должна знать свой язык – историк Зада Дукенбаева
12 ноября, 9:30 -
Қазақ тілінен орыс тіліне енген 145 сөз
10 сентября, 15:38 -
Археологи обнаружили первую школу в древнем Туркестане
15 августа, 6:27 -
Онлайн-выставка к 175-летию Абая проходит в Семее
12 июля, 9:56 -
ТҮСКІ АС / ОБЕД
4 апреля, 22:11 -
Какие буквы хотят исключить из казахской латиницы
6 марта, 10:26