Полезно знать
Сақтық бата
6 ноября, 14:03
Дұшпанның табасынан сақта,
Достың наласынан сақта.
Өмір бойы жазылмайтын,
Жүректің жарасынан сақта.
Шарасыз шерменде болғаннан сақта,
Мезгілсіз солғаннан сақта.
Ағайынға көзтүрткі болып,
Сүмірейтіп қорлаудан сақта.
Сенгенің сатып кеткеннен сақта,
Дұшпан алдында шөккеннен сақта.
Қарғап-сілеп тамам жұрт,
Қаһарын төккеннен сақта.
Үгіліп жылағаннан сақта,
Араша сұрағаннан сақта.
Амалың құрып есеңгіреп,
Қайтып тұрмастай құлағаннан сақта.
Кесапаттың зәрінен сақта,
Патшаның кәрінен сақта.
Қол жайып тілеген пендеңді,
Пәле-жаланың бәрінен сақта.
Әумин!
другие статьи
-
КАФЕ. РЕСТОРАН / ДӘМХАНА. МЕЙРАМХАНА
9 сентября, 0:08 -
Төрт түлік атаулары
3 октября, 22:36 -
Цифровизация казахского языка в действии
21 февраля, 13:09 -
Атам қазақ ауа райын қалай болжаған?
17 мая, 11:53 -
Встречи с казахской грамматикой
28 июня, 23:33 -
Орфографиялық сөздік: азап па, мазақ па?
14 апреля, 1:55
