«ҮЗДІК ПЕДАГОГ» БАЙҚАУЫНЫҢ ЖЕҢІМПАЗДАРЫ АНЫҚТАЛДЫ

Новости и объявления

«ҮЗДІК ПЕДАГОГ» БАЙҚАУЫНЫҢ ЖЕҢІМПАЗДАРЫ АНЫҚТАЛДЫ

2 октября, 15:56

«Ең басты мамандық – ол ұстаз. Өйткені ұстаз барлық мамандық иесін тәрбиелейді, білім береді», – деп мұғалімдердің төл мерекесі қарсаңында құттықтау сөзін бастаған Білім және ғылым министрі Асхат Аймағамбетов «Үздік педагог-2020» байқауының жеңімпаздарын марапаттады.

Салтанатты іс-шарада Министр Асхат Аймағамбетов қазіргі жағдайда аянбай еңбек етіп жүрген барша мұғалімдерге алғысын білдірді.

Биыл «Үздік педагог» конкурсының республикалық кезеңіне 143 педагог өтінім берген болатын. Оның ішінде: мектепке дейінгі және орта білім бойынша – 109, техникалық және кәсіптік білім бойынша – 35. Жеңіп шыққан 64 ұстаздың әрқайсысына «Үздік педагог» төсбелгісі мен 2 788 000 теңге (1000 АЕК) көлемінде сыйақы табысталды.

Жалпы 9 жыл ішінде «Үздік педагог» конкурсының жеңімпаздары болған мектепке дейінгі және орта білім, техникалық және кәсіптік білім жүйесінің 432 педагогіне 1000 АЕК ақшалай сыйақы берілгенін айта кеткен жөн.

ruh.kz