Бас жүлде – 1 млн. теңге. Мүшәйра жарияланды.
Присоединяйся:

Новости и объявления

Бас жүлде – 1 млн. теңге. Мүшәйра жарияланды.

18 июня, 13:34

Бұл туралы мысты қаладағы «Дидар» телеарнасының баспасөз клубында өткен брифинг барысында мәлім етілді. Ғылыми, мәдени, әдеби бағыттағы тақырыптарды қамтитын ауқымды шараға «Қазақмыс» компаниясы 20 млн. теңге қаражат қарастырып отыр.

Өлке тарихын өлеңмен өрнектеу мақсатында «Ұлытауым – Ұлы Дала киесі» тақырыбы аясында мүшәйра өтеді. «Ұлық Ұлыстың тарихи маңызын насихаттауды, Ұлы Дала мен Ұлытаудың тарихи орнын құдіретті поэзия тілімен өрнектеуді мақсат еткен жыр додасына елдің кез келген аймағында тұратын ақындар қатыса алады. Жасына шектеу қойылмайды. Туындылар биылғы жылдың 1 тамызына дейін қабылданады. Бас жүлде – 1 млн. теңге. Бас-аяғы он ақынға жүлде тағайындалады. Мүшәйраға жіберілген өлеңдер іріктеліп, жеке жинақ болып шығарылады», – дейді, «Қазақмыс» корпорациясы» ЖШС Жезқазған аймағы бойынша әлеуметтік-еңбек қатынастары басқармасының басшысы Сабыржан Тембаев.

«Қазақ жеріндегі демократиялық, саяси-құқықтық мемлекеттердің қалыптасу тарихы» атты республикалық ғылыми-теориялық конференцияда Ұлы Дала төсінде құрылып, қалыптасқан мемлекеттер мен ел басқару жүйесінің тарихи маңызы сарапқа салынады. «Бұл шара жаңа ғылыми жаңалыққа жол ашады деген үміт бар. Үздік бес баяндамаға арнайы сыйлық беріледі» – дейді ұйымдастыру комитетінің мүшесі, тарихшы Ғабдол Әуезов. Онда жасалған баяндамалар да жеке жинақ ретінде жарық көреді.

Арнайы тапсырыспен дайындалған «Аманат» атты тарихи-деректі, көркем жинақтың тұсаукесері өтеді.

Коронавирустың кесапаты тиіп кетпесе, қорытынды жиын алдағы 4 қыркүйекке жоспарланып отыр. Осындай шырайлы шараны ұйымдастыруға ұйытқы болған «Қазақтың Кетбұқасы» қоғамдық қоры төрағасы – Төлеген Бүкіров екенін айта кеткен абзал.

Әлібек ӘБДІРА

Дереккөз: madeniportal.kz

другие статьи